Лідар КНДР і прэзідэнт Паўднёвай Карэі раптоўна зноў сустрэліся
6- 26.05.2018, 15:20
- 13,538
Паўночнакарэйскі дыктатар вельмі хоча сустрэцца з Трампам.
Лідар Паўночнай Карэі Кім Чэн Ын і прэзідэнт Паўднёвай Карэі Мун Чжэ Ян сустрэліся ў дэмілітарызаванай зоне паміж дзвюма краінамі. Пра гэта паведамляе ВВС.
Падобна на тое, што бакі прадаўжаюць намаганні ў арганізацыі правядзення перамоваў паміж прэзідэнтам ЗША Дональдам Трампам і Кім Чэн Ынам.
24 траўня прэзідэнт ЗША Трамп скасаваў гістарычную сустрэчу з Кім Чэн Ынам, якая павінна была адбыцца 12 чэрвеня 2018 года ў Сінгапуры.
У гэты ж дзень паведамлялася, што Паўночная Карэя ў прысутнасці замежных журналістаў зрабіла серыю выбухаў на палігоне для ядравых выпрабаванняў Пхунгеры, назваўшы гэта ягоным дэмантажом.
Дзяржаўны сакратар ЗША Майк Пампеа заявіў, што Трамп скасаваў сустрэчу, бо пераканаўся ў адсутнасці перспектываў яе ўдалага зыходу.
Учора, 25 траўня, амерыканскі лідар заявіў, што сустрэча можа адбыцца.