«Сталкеры» паказалі, як знутры выглядае станцыя «Кавальская Слабада»

З'явілася відэа са станцыі Менскага метрапалітэн, якая цяпер будуецца.

Далёка не кожнаму ўдаецца перамагчы жаданне першым убачыць - і ўсім паказаць. Нават калі гэта не зусім законна, піша onliner.by.

Гэтым разам самыя цікаўныя праніклі з ліхтарамі і камерай на будаваную станцыю «Кавальская Слабада» Менскага метрапалітэна. Шырокай грамадскасці яе знутры яшчэ не паказвалі - хоць бы таму, што пакуль, як мяркуецца, там няма чаго глядзець.

«Сталкеры» ўначы прагуляліся па будучай станцыі і нават знайшлі некаторыя дакументы, якія даюць ўяўленне аб гэтай будоўлі і аб планах развіцця метро ў больш далёкай будучыні.