4 «неймаверныя» прасвятленні Лукашэнкі і Кабякова
86- 5.05.2018, 8:39
- 63,130
Дыктатар і прэм'ер убачылі тое, чаго раней ва ўпор не заўважалі.
Сваімі неймавернымі адкрыццямі і дзіўнымі назіраннямі яны тут жа падзяліліся адзін з адным.
Гэта адбылося падчас нарады ў развязанні актуальных пытанняў сацыяльна-эканамічнага развіцця, піша «Солидарность».
Прасвятленне першае. Народ трымаюць у чорным целе
- Хацелася б, каб прэм'ер-міністр далажыў аб тым, як будуць расці даходы насельніцтва: заробкі, пенсіі. Мы не можам у чорным целе трымаць народ, - заявіў Аляксандр Лукашэнка.
І тут жа выклікаў сваёй заявай смех.
«Гэты няёмкі момант, калі чвэрць стагоддзя табе паўтаралі пра росквіт, а потым раптам на табе: «Годзе трымаць народ у чорным целе», - напісаў на сваёй старонцы ў Фэйсбуку Дзмітрый Растаеў. - Выяўляецца, «росквіт» быў псеўданімам жабрацтва. Цікава, што ў іх крыецца за эўфемізмам «стабільнасць»?»
Прасвятленне другое. Дзяржпадтрымка стратных прадпрыемстваў з'ядае грошы на заробкі.
- Нам патрэбныя прадпрыемствы, якія жывуць без сталага падсілкоўвання з дзяржбюджэту, - падзяліўся іншым назіраннем дыктатар. - Такім чынам мы прывыклі забіраць грошы настаўнікаў і лекараў, і накіроўваць іх туды, дзе яны павінны зарабляцца і, наадварот, накіроўвацца ў бюджэт.
А мы ж думалі, што, напампоўваючы грошы ў стратныя прадпрыемствы, зажывём, як каралі!
Прасвятленне трэцяе. Пакуль адны кормяць казкамі пра заробкі 1000 рублёў, іншыя атрымліваюць па 300
- Павінны быць рэалізаваныя захады наконт тых прадпрыемстваў, дзе заробак 300-400 рублёў, якія б дазволілі ім забяспечыць пры апераджальных тэмпах росту вытворчасці працы адпаведны рост заробку, - прадоўжыў сыпаць адкрыццямі ужо прэм'ер Андрэй Кабякоў.
Цікава, а калі ўрад даў справаздачу пра тое, што амаль усюды ўжо заробкі па 1000 рублёў, ён каго меў на ўвазе?
Прасвятленне чацвёртае. Праз нізкі ўзровень жыцця беларусы бягуць з краіны
Ну і апошнім цвіком у гэтай чарадзе адкрыццяў стала прызнанне Кабякова аб суайчынніках, якія пакідаюць краіну. З ягоных слоў, задачу з заробкамі трэба развязваць «каб забяспечыць для людзей прывабнасць іх працоўных месцаў і ў тым ліку не дапусціць адтоку кваліфікаваных кадраў за мяжу».
Вось такія «неймаверныя» адкрыцці былі зробленыя галоўным кіраўніцтвам нашай краіны.
Фактычна ўлады канстатавалі, што іх шматгадовая праца цалкам праваленая: малыя заробкі, неэфектыўныя прадпрыемствы, нізкі ўзровень жыцця і ўцёкі працоўнай сілы - усё гэта было прызнанае і нават агучанае. Засталося цяпер толькі дачакацца, якія высновы будуць зробленыя пасля такога неймавернага прасвятлення.