Відэафакт: Масавы мор у Драздах

Што стала прычынай, пакуль незразумела

На вадасховішчы Дразды ў Менску адбыўся масавы мор рыбы. Пра гэта TUT.BY паведамілі карыстальнікі. Яны выявілі ля берага некалькі дзясяткаў дохлых карасёў.

Што стала прычынай мору рыбы ў Драздах, пакуль незразумела. Цяпер гэтым займаюцца спецыялісты Менскага гарадскога камітэта прыродных рэсурсаў і аховы навакольнага асяроддзя. Паводле інфармацыі TUT.BY, у суботу раніцай яны выязджалі на месца і ўзялі пробы з вадасховішча.