Пятро Парашэнка: Чакаем адказу ЕЗ на дзеянні Расеі ў Азоўскім моры

Прэзідэнт Украіны збіраецца абмеркаваць з ЕЗ «напружаныя месцы», створаныя Расеяй.

Прэзідэнт Украіны Пятро Парашэнка мае намер абмеркаваць падчас саміту «Украіна-ЕЗ» 9 ліпеня з лідарамі Еўрапейскага Звяху стварэнне Расейскай Федэрацыяй у Чорным і Азоўскім морах пункту напружанасці.

Пра гэта Парашэнка напісаў на сваёй старонцы ў «Фэйсбуку».

«Вітаю пастанову Рады ЕЗ падоўжыць на год «крымскі пакет» санкцый супраць расейскага агрэсара. Разлічваем на жорсткую пазіцыю ЕЗ адпаведна з новымі выклікамі бяспецы з боку Расеі ў Чорным і Азоўскім морах. Абмяркуем гэтае пытанне з лідарамі ЕЗ на саміце 9 ліпеня», - напісаў Парашэнка.