Рэйтынг даверу амерыканцаў да Белага дому дасягнуў максімуму за 13 гадоў

Апытанне ў ЗША паказала, што 38% жыхароў краіны задаволеныя тым, як яна развіваецца пры цяперашнім курсе.

Сацыялагічнае апытанне, праведзенае ў ЗША службай Gallup, паказала, што 38% жыхароў задаволены становішчам спраў у краіне. Гэта найвышэйшы паказчык з 2005 года, калі колькасць задаволеных дасягала 39%, паведамляе РБК.

Асноўнымі прычынамі павелічэння называюць зніжэнне ўзроўню беспрацоўя, эканамічны рост, адмова Дональда Трампа ад ядзернай угоды з Іранам, а таксама перамовы амерыканскага прэзідэнта з дыктатарам КНДР Кім Чэн Ынам.

The Hill падкрэслівае, што рост колькасці задаволеных адбыўся ў асноўным за кошт прыхільнікаў Рэспубліканскай партыі. 68% з іх мяркуюць, што адміністрацыя вядзе правільную палітыку. Ухваляюць курс Белага дома і тыя апытаныя, хто не залічвае сябе да прыхільнікаў той ці іншай партыі. Тыя, хто галасаваў за Дэмакратычную партыю працягваюць заяўляць, што яны незадаволеныя становішчам спраў. Колькасць задаволеных дэмакратаў не перавышае 13%.

Вынікі апытанняў важныя ў першую чаргу для Рэспубліканскай партыі, якой у лістападзе трэба будзе абараняць свае пазіцыі ў кангрэсе падчас прамежкавых выбараў, адзначае выданне The Hill.

Рэйтынг даверу Дональда Трампа ў канцы траўня дасягнуў 45%. У той жа час 55% удзельнікаў апытання заявілі, што не давяраюць дзейнаму кіраўніку Белага дома.

Апытанне, праведзенае службай Harvard CAPS/Harris Poll у канцы траўня, таксама паказала, што з прапанаваных амерыканцам 20 палітыкаў толькі ў дваіх рэйтынг даверу апынуўся вышэйшым за рэйтынг недаверу. Гаворка ідзе пра былога віцэ-прэзідэнце Джо Байдэна і прадстаўніка ЗША ў ААН Ніккей Хэйлі. Праўда, у апошнім выпадку 44% апытаных заявілі, што не ведаюць, хто гэта такія.