Майк Пампеа: Калі павялічым экспарт газу з ЗША ў Еўропу, прымусім Расею адступіць
1- 19.06.2018, 9:11
- 8,458
ЗША хочуць парушыць газавую манаполію РФ у Еўропе
Павышэнне аб'ёмаў экспарту прыроднага газу са Злучаных Штатаў у краіны Еўропы парушыць манапольныя пазіцыі Расеі на рэгіянальным рынку газу і можа прымусіць РФ адступіць.
Пра гэта заявіў у панядзелак дзяржаўны сакратар ЗША Майк Пампеа, выступаючы з прамовай пра дыпламатыю ў эканоміцы ў Эканамічным клубе Дэтройта, паведамляе "Укрінфарм".
"Павелічэнне нашага экспарту сапраўды мае цэнтральную ролю для нашай бяспекі. Калі мы зможам павялічыць экспарт (прыродных рэсурсаў. – Рэд.) у Еўропу, мы зможам прымусіць Расею адступіць", – заявіў Пампеа.
Ён таксама адзначыў, што падобную палітыку Злучаныя Штаты змогуць увесці ў Азіі, каб прымусіць адступіць Кітай.
Дзяржаўны сакратар ЗША пры гэтым станоўча адзначыў намаганні амерыканскага газаздабывальнага бізнэсу, які пашырае геаграфію продажаў сваёй прадукцыі за мяжу.