У Маскве Cергей Мітрохін выйшаў на пікет да Дзярждумы
1- 19.06.2018, 10:54
- 8,967
Кіраўнік маскоўскага аддзялення партыі «Яблык» пратэставаў супраць пенсійнай рэформы.
Кіраўніка маскоўскага аддзялення партыі "Яблык" Сяргея Мітрохіна затрымалі за адзіночны пікет каля Дзярждумы, паведамляе "Цяперашні час".
Мітрохін удзельнічаў у пікеце супраць запланаванага ўрадам падвышэння пенсійнага ўзросту ў краіне. Палітыка затрымалі ў сувязі з указам прэзідэнта, які забараняе публічныя акцыі ў дні Чэмпіянату свету ў футболе.
Паводле звестак АУС-Інфа, Мітрохіна даставілі ў аддзел паліцыі ў Цвярскім раёне Масквы.
10 траўня Уладзімір Пуцін падпісаў указ пра ўзмоцненыя захады бяспекі, якія будуць дзейнічаць падчас правядзення Чэмпіянату свету ў футболе ў 2018 годзе і футбольнага Кубка канфедэрацый летам 2017 года. На час правядзення турніраў усе публічныя мерапрыемствы, не звязаныя са спартыўнымі падзеямі, у Расеі будуць праводзіцца толькі пасля ўзгаднення з мясцовымі ўладамі і ФСБ.