Bloomberg: ЗША плануюць выйсці з Рады ААН правоў чалавека
4- 19.06.2018, 20:14
- 13,540
Заява прадстаўнікоў ЗША будзе зробленая ўжо найбліжэйшымі гадзінамі.
ЗША плануюць абвесціць пра выхад з Рады ААН правоў чалавека. Паводле звестак Bloomberg, афіцыйная заява прадстаўнікоў ЗША будзе зробленая ўжо найбліжэйшымі гадзінамі, паведамляе РБК.
ЗША найбліжэйшымі гадзінамі абвесціць пра выхад з Рады ААН правоў чалавека, паведамляе агенцтва Bloomberg са спасылкай на свае крыніцы ў адміністрацыі прэзідэнта Дональда Трампа.
Паводле звестак агенцтва, абвесцяць пра гэта кіраўнік Дзярждэпу Майк Пампея і пастаянны прадстаўнік Вашынгтона пры ААН Нікі Хэйлі.
Агенцтва таксама ўказвае, што Вашынгтон раней неаднаразова крытыкаваў гэты орган ААН за прадузятае стаўленне да Ізраіля. Рада, у сваю чаргу, крытыкавала ЗША за жорсткую іміграцыйную палітыку, якую вядзе адміністрацыя Трампа.