Тэхагляд у Менску і абласцях: дзе танней

На розных станцыях цана тэхагляду розная.

З неабходнасцю праходзіць тэхагляд сутыкаецца кожны кіроўца. Калі аўтамабілю менш за 10 гадоў, тэхагляд трэба праходзіць раз у 2 гады, калі больш - раз у год. На розных станцыях цана тэхагляду розная. Myfin.by ўжо ведаў усё, колькі каштуе тэхагляд легкавога аўто з бензінавым рухавіком у сталіцы і рэгіёнах.

Колькі каштуе тэхагляд у Менску

У Менску ў сярэднім за паслугі па тэхагляду станцыі просяць ад 20 рублёў. Дадаткова ўладальнікі аўто павінны аплаціць кошт сертыфіката аб праходжанні тэхагляду. З 1 студзеня 2018 года ён складае 7,35 рублёў, або 0,3 базавых велічыні.

Мінімальны кошт праходжання тэхагляду, які ўдалося знайсці, - гэта 18,50 рублёў.

Такі кошт устаноўлены на дыягнастычных станцыях №21 ДАІ ГУУС Менгарвыканкама. Максімальны - 27,65 рублёў. Столькі каштуе прайсці тэхагляд на дыягнастычных станцыях №25 «Аўтасэрвіс і гандаль».

Колькі каштуе тэхагляд у абласцях

У Берасцейскай вобласці тэхагляд каштуе ад 23 рублёў у Іванава, 23,65 рублёў у Пінску да 28,85 - у Берасці (УП «Белтэхагляд»).

У Віцебску тэхагляд каштуе 21,50 рублёў - калі праходзіць яго ў АТП №5. Асобна 7,35 рублёў трэба будзе даплаціць за атрыманне пасведчання аб праходжанні тэхагляду.

У Гомелі за тэхагляд давядзецца заплаціць 28,85 рублёў - столькі за гэтую паслугу просіць Гомельскі аўтапарк №26.

У Горадні і Гарадзенскай вобласці тэхагляд каштуе 18-19 рублёў - калі праходзіць яго ў філіялах ААТ «Горадняаблаўтатранс».

У Магілёве на дыягнастычных станцыях №158 тэхагляд каштуе ўсяго 17 рублёў.

Правілы праходжання дзяржаўнага тэхагляду

Яны простыя. На ўсялякі выпадак яшчэ раз нагадваем нюансы:

1. Тэхагляд праводзіцца незалежна ад месца дзяржаўнай рэгістрацыі аўтамабіля. Напрыклад, нават калі аўто зарэгістраванае ў Горадні, уладальнік можа прайсці тэхагляд на любой станцыі дыягностыкі ў Беларусі.

2. Аўтамабіль перад тэхаглядам трэба памыць.

3. Перад праходжаннем тэхагляду трэба аплаціць дзяржаўную мыту за выдачу дазволу на допуск транспартнага сродку да ўдзелу ў дарожным руху. За легкавы аўтамабіль давядзецца заплаціць ад 7 да 14 базавых велічынь.

3. На дыягнастычнай станцыі кіроўца падае:

пасведчанне кіроўцы з талонам да яго;

пасведчанне аб рэгістрацыі ТС (тэхпашпарт);

квітанцыю аб аплаце за правядзенне дзяржаўнага тэхагляду.

4. Пры сабе ўладальнік аўто мусіць мець:

дзейную дамову страхавання аўтамабіля;

медыцынскую даведку;

калі ў аўто ўсталяванае газавае абсталяванне - дакументы на яго.