МАРГ вызначыла адпускныя кошты на «легальны самагон» у Беларусі
4- 20.06.2018, 9:19
- 16,693
У пераліку – 21 найменне алкагольных прадуктаў.
Міністэрства антыманапольнага рэгулявання і гандлю (МАРГ) вызначыла адпускныя кошты на арыгінальны алкаголь моцай больш за 28 адсоткаў. Зроблена гэта пастановай №45 ад 4 чэрвеня, паведамляе belmir.by.
Кошты распаўсюджваюцца на спіртныя напоі, якія вырабляюцца і рэалізуюцца без спажывецкай тары ў наліў на тэрыторыі культурна-этнаграфічных цэнтраў, нацыянальных паркаў, запаведнікаў і іншых аб'ектаў, на якіх вырабленыя.
У пераліку – 21 найменне алкагольных прадуктаў.
Напрыклад, адпускны кошт напою «Пушчанскага», выраблянага і наліванага ў нацыянальным парку «Белавежская пушча», вызначаны памерам 11,25 рубля за літр без ПДВ.
А кошт, скажам, алкагольнага прадукту «Дудуткі», якім частуюць у аднайменным музейным комплексе старадаўніх народных рамёстваў і тэхналогій, – 11,6 рубля за літр без ПДВ.
Самы дарагі напой са змешчаных у спісе – вінаградны «Цітаўскі», вырабляны і рэалізаваны ў рэстаране і бары «Чырвоная вежа», а таксама на тэрыторыі турбазы адпачынку ва ўрочышчы Белы Бераг бабруйскім «водаканалам». Ягоны кошт – 41 рубель за літр без ПДВ.