Грамадзяне ЕЗ змогуць застацца ў Брытаніі, калі адкажуць на «тры простыя пытанні»

Кіраўнік МУС Вялікай Брытаніі выступіў на тэму Brexit у палаце лордаў.

Грамадзяне краін ЕP, якія пражываюць у Брытаніі і жадаюць застацца там пасля Brexit, павінны будуць адказаць на тры простыя пытанні, заявіў брытанскі міністр унутраных спраў Саджыд Джавід, паведамляе ВВС.

Падчас выступу на пасяджэнні камітэта Палаты лордаў міністр паведаміў, што ў такіх людзей будуць запатрабуюць пасведчанне асобы, зададуць пытанне аб наяўнасці судзімасцяў у мінулым і папросяць падаць довады таго, што яны фактычна пражываюць на тэрыторыі Брытаніі.

Адказы будуць параўноўваць з інфармацыяй, якая маецца ў дзяржаўных базах звестак, пасля чаго пастанова будзе прымацца «вельмі хутка», запэўніў кіраўнік МУС.

Гэтая працэдура будзе ажыццяўляцца праз інтэрнэт і з дапамогай адмысловага дастасавання для смартфона. Чакаецца, што большая частка зваротаў будзе разгледжаная цягам двух тыдняў ці нават яшчэ хутчэй.

Як запэўніў міністр, на змаўчанне статус пражывання будзе тлумачыцца на карысць заяўніка. Адмаўляць будуць толькі тым, у каго для гэтага ёсць «вельмі важкая прычына».

У заяве міністэрства ўнутраных спраў удакладняецца, што праверка на наяўнасць судзімасцяў праводзіцца толькі да ўчынення сур'ёзных злачынстваў, а не правапарушэнняў накшталт штрафаў за няправільную паркоўку.

Працэдура каштавацьме бюджэту агулам 170 млн фунтаў і будзе насіць абавязковы характар для ўсіх грамадзян ЕЗ, якія пражываюць у Брытаніі. Урад чакае, што будзе пададзена амаль 3,5 мільёны заяў.

Атрымаць від на жыхарства змогуць грамадзяне ЕЗ і іх сямейнікі, якія да канца 2020 года будуць стала пражываць у Брытаніі цягам пяці апошніх гадоў. Гэта значыць, што яны змогуць застацца жыць і працаваць у краіне на неабмежаваны час.

Тыя, хто прыбудзе ў краіну да 31 снежня 2020 года, але дагэтуль не будзе валодаць стажам пражывання пяць гадоў, змогуць падаць заяву аб наданні часовага дазволу на пяцігадовы тэрмін, пасля чаго яны змогуць таксама прэтэндаваць на сталае пражыванне.

Працэдура будзе распаўсюджвацца на грамадзян усіх краін ЕЗ, а таксама на грамадзян Швэйцарыі, Ісландыі, Ліхтэнштэйна і Нарвегіі, якія не ўваходзяць у Еўразвяз.

Падача заявы каштавацьме 65 фунтаў для дарослых і 32,5 фунта для дзяцей. Тыя, хто ўжо маюць від на жыхарства, не павінны плаціць нічога.

Улады спадзяюцца прыступіць да выпрабавання сістэмы ўжо праз некалькі тыдняў, а з восені пачнецца рэгістрацыя заяўнікаў.

Як сказаў міністр унутраных спраў, сістэма павінна цалкам увайсці ў строй да пачатку наступнага года, і ён хацеў бы пазбегнуць імклівага ўсплёску заявак да моманту афіцыйнага выхаду Брытаніі з ЕЗ у сакавіку 2019 года.

Аднак працэдура будзе дзейнічаць цягам прынамсі двух гадоў пасля выхаду з ЕЗ - імаверна, да чэрвеня 2021 года.