Гульцы нацыянальнай каманды Аргенціны ўзбунтаваліся супраць трэнера
12- 22.06.2018, 9:59
- 31,464
Футбалісты патрабуюць неадкладнай адстаўкі Хорхе Сампаолі.
Футбалісты нацыянальнай каманды Аргенціны папрасілі прызначыць іншага трэнера на апошні матч групавога этапу чэмпіянату свету супраць каманды Нігерыі, які адбудзецца 26 чэрвеня ў Санкт-Пецярбургу. У матчы другога тура «альбіселестэ» са значнай паразай саступілі харватам (0:3) і сур'ёзна ўскладнілі сабе задачу выйсці ў плэй-оф, паведамляе ТАСС.
Пра гэта паведаміў тэлеканал Todo Noticias са спасылкай на крыніцу ў Асацыяцыі футбола Аргенціны (AFA). Са слоў крыніцы, «нацыянальная каманда ўзбунтавалася». «Яны [футбалісты] не хочуць, каб галоўны трэнер Аргенціны Хорхе Сампаолі кіраваў імі на апошнім матчы групавога этапу з Нігерыяй», - цытуе тэлеканал свайго інфарматара.
Паводле звестак журналістаў, футбалісты просяць, каб на наступным матчы трэнерам быў памочнік Сампаолі.
Пасля матчу з Харватыяй Сампаолі прынёс прабачэнні заўзятарам за паразу і заявіў, што трэнерскі штаб нацыянальнай каманды мае намер дэталёва прааналізаваць мінулы матч і падрыхтавацца да наступнай гульні.