У Крычаве мужчына на вуліцы застрэліў былую жонку і скончыў жыццё самагубствам

На месцы здарэння знойдзены пісталет ТТ.

Следчыя і экспэрты разбіраюцца ў абставінах трагедыі, якая адбылася ўвечары 21 чэрвеня ў Крычаве. Паводле папярэдніх звестак, на вуліцы мужчына стрэлам забіў былую жонку і потым скончыў жыццё самагубствам. Падрабязнасці паведамляе Дзяржкамітэт судовых экспэртыз.

Інцыдэнт адбыўся прыкладна а 18.00 проста на вуліцы. 58-гадовы мужчына стрэлам у галаву забіў былую 54-гадовую жонку, а потым застрэліўся сам.

На месца выехала следча-аператыўная група і экспэрты. Устаноўлена, што абодва атрымалі агнястрэльныя раненні ў галаву і памерлі на месцы.

«Падчас правядзення судова-медыцынскай, судова-хімічнай і судова-гісталагічнай экспэртыз трэба будзе ўстанавіць, ці маецца ў крыві мужчыны алкаголь, псіхатропныя рэчывы або наркатычныя сродкі», - распавялі ў Дзяржкамітэце судовых экспэртыз.

З месца здарэння сярод іншага канфіскаваная меркаванае прылада злачынства - пісталет маркі ТТ, патроны і гільзы. Іх таксама адправяць на даследаванне.

Крычаўскім раённым аддзелам Следчага камітэта распачатая крымінальная справа паводле ч.1 арт.139 КК (Забойства).