Відэафакт: Пол Макартні паказаў дом свайго дзяцінства

Музыка даў нечаканы канцэрт у адным з ліверпульскіх пабаў.

Былы ўдзельнік гурту The Beatles Пол Макартні ўзяў удзел у шоў Carpool Karaoke коміка Джэймса Кордана - магчыма, гэта найлепшы выпуск у гісторыі гэтай рубрыкі, піша «Медуза».

Гэтым разам тэлевядоўца зладзіў аўтамабільную паездку па Ліверпулю - роднаму гораду Макартні. Музыка паказаў Кордану дом свайго дзяцінства, распавёў гісторыю стварэння некаторых кампазіцый The Beatles, а таксама прыгадаў самую першую песню, якую ён напісаў у 14 гадоў - «I Lost My Little Girl».

Таксама яны праехаліся па вуліцы Пені Лэйн, у гонар якой названая адна з песень The Beatles, і наведалі цырульню, якая згадваецца ў тэксце гэтай кампазіцыі.

Па ходзе паездкі Макартні і Кордан праспявалі мноства старых бітлоўскіх песень: «Drive My Car», «Penny Lane», «Let It Be» (на ёй Кордан нават заплакаў!), «When I'm 64», «She Loves You», «Blackbird», а таксама адну новую сольную песню экс-бітла «Come on to me».

Скончыўся выпуск нечаканым канцэртам Макартні з групай у адным з пабаў Ліверпуля. Наведвальнікі пабу маглі заказваць музыку песні для выканання, выбіраючы іх на музычным аўтамаце, устаноўленым ва ўстанове. Пол Макартні выканаў трэкі «A Hard Day's Night», «Ob-La-Di, Ob-La-Da», «Love me do», «Back in USSR». Фінальную кампазіцыю «Hey Jude» ён праспяваў дуэтам з Джэймсам Корданам.