ЧС-2018: Бэльгія падолела каманду Туніса з лікам 5:2
3- 23.06.2018, 17:08
- 9,617
Каманда Бэльгіі забяспечыла сабе месца ў плэй-оф.
Каманда Бэльгіі атрымала перамогу над камандай Туніса з лікам 5:2 у матчы другога тура групавога этапу чэмпіянату свету ў футболе.
У складзе пераможцаў забітымі мячамі адзначыліся Эдэн Азар (6-я з пенальці і 51-я хвіліны), Рамелу Лукаку (16, 45) і Мішы Батшуаі (90). У зазнаўшых паразу вызначыліся Дылан Брон (18) і Вахбі Хазры (90+3).
Лукаку забіў ужо чатыры мячы на цяперашнім турніры, паводле гэтага паказчыка ён дзеліць першае месца з партугальскім форвардам Крышціяну Ранальду. Таксама бэльгійскі нападнік устанавіў рэкорд нацыянальнай каманды паводле колькасці галоў на адным чэмпіянаце свету і зраўняўся з Маркам Вілматсам агульнай колькасцю забітых мячоў на сусветных першынствах (па 5 галоў).
Галы:
1:0 - 6, пенальці Азар, 2:0 - 16 Лукаку, 2:1 - 18 Брон, 3:1 - 45 Лукаку, 4:1 - 51 Азар, 5:1 - 90 Батшуаі, 5: 2 - 90 Хазры.
Бэльгія - Куртуа, Боята, Вертанген, Менье, Алдэрвейрэлд, дэ Бруйнэ, Ферэйра Караска, Вітцэль, Азар (Батшуаі, 68), Мертэнса (Тылеманс, 86), Лукаку (Фелайні, 59).
Туніс - Бэн-Мустафа, Бэн-Юсэф (Беналуан, 41), Маалуль, Брон (Нагез, 24), Мер’я, Кауі, Скіры, Хазры, Сасі (Сліці, 59), Бадры, Бэн-Юсэф.
Папярэджанне:
Сасі (14).