Мінтранс: Трэба зрабіць усё, каб ігнаравання тэхагляду не было

У Міністэрстве транспарту абмяркоўваюць пытанне аб тым, як прымусіць беларусаў плаціць за праверку аўтамабіляў.

Пра гэта ў інтэрв'ю БелТА заявіў міністр транспарту і камунікацый Анатоль Сівак.

- Наша пазіцыя - адвязаць выплату падатку ад праходжання працэдуры тэхнічнага агляду. Пакуль у наяўных праектах на гэты момант яна падтрымліваецца, - паведаміў міністр падчас адказу на пытанне аб распрацоўцы дакумента для змянення механізму выплаты гэтага збору.

Анатоль Сівак паабяцаў, што цягам трэцяга квартала з'явіцца яснасць, ці зменіцца сістэма з 1 студзеня 2019 года.

Са слоў кіраўніка Мінтранса, тэхагляд вельмі важны як працэдура, каб пацвердзіць здавальняючы тэхнічны стан транспартных сродкаў.

- Нам трэба зрабіць усё, каб ігнаравання тэхагляду не было, а ў разуменні кожнага грамадзяніна патрабаванне заканадаўства ў гэтай частцы было абавязковай працэдурай, - канстатаваў ён.