Стала вядома, якім будзе надвор'е на выходныя

Заўтра будзе пераважна без ападкаў.

8 чэрвеня ўмовы надвор'я на тэрыторыі Беларусі будзе вызначаць, у асноўным, сфера павышанага атмасфернага ціску, толькі ўдзень па поўначы адаб'ецца ўплыў франтальнага падзелу, паведамляе сайт pogoda.by.

Чакаецца пераменная воблачнасць. Пераважна без ападкаў, толькі ўдзень па паўночным усходзе кароткачасовыя дажджы, у асобных раёнах – навальніцы. Вецер уначы няўстойлівы слабы, удзень паўднёва-заходні, заходні сярэдні, пры навальніцах парывісты. Тэмпература паветра ў начныя і ранішнія гадзіны панізіцца да +5... +11°С, у другой палове дня будзе вагацца ад +19°С па паўночным усходзе да +27°С па паўднёвым захадзе краіны. Атмасферны ціск упадзе на 4–5 мм рт.сл.

9–10 чэрвеня надвор'е ў Беларусі будзе вызначаць у асноўным сфера павышанага атмасфернага ціску, сфармаваная ў пераважна цёплай паветранай масе. Чакаецца пераважна без ападкаў. Вецер няўстойлівы слабы.

Тэмпература паветра мінімальная ноччу +7... +14°С, па паўночным усходзе +3... +6°С; максімальная ўдзень +18... +25°С, у паўднёвых раёнах +26... +28°С.

Увага! У сувязі з доўгім перыядам сухога надвор'я ў лясах краіны захоўваецца высокая пажарная небяспека. Знаходзячыся на прыродзе, будзьце асцярожныя з агнём!