Рассельгаснагляд: У Беларусі з'явіўся небяспечны жук

Рассельгаснагляд прыстрашыў забараніць пастаўкі з Беларусі праз небяспечнага жука.

Рассельгаснагляд можа часова забараніць прамыя і транзітныя пастаўкі з Беларусі прадукцыі раслінаводства, транспартных сродкаў, упакоўкі і тары праз небяспечнага жука дзіяброціка, паведамляе interfax.ru.

Рассельгаснагляд усталяваў, што паводле інфармацыі, прадстаўленай беларускім бокам у даведніку каранціннага фітасанітарнага стану тэрыторый дзяржаў - удзельніц СНД на 1 студзеня 2018 года, у Беларусі ў 2017 годзе былі ўсталяваныя каранцінныя фітасанітарныя зоны па заходняму кукурузнаму жуку, або жуку дзіяброціку. Рассельгаснагляд атрымаў гэтыя звесткі ў ліпені.

Як мяркуюць у Рассельгаснаглядзе, патэнцыйная шкоднаснасць жука на тэрыторыі РФ магчымая ў зоне ўстойлівага вырошчвання кукурузы, пасевы якой знаходзяцца ў асноўным у Паўднёвай федэральнай акрузе (Краснадарскім, Стаўрапольскім краі, Растоўскай, Валгаградскай і Астраханскай вобласці, Кабардзіна-Балкарыі). Занос жука на тэрыторыю Расейскай Федэрацыі магчымы наземным транспартам, з прадукцыяй, тарай і пакаваннем. Эканамічная шкода ад страты ўраджаю кукурузы можа скласці 950 мільёнаў рублёў у год.

«Прымаючы пад увагу, што РФ экспартуе збожжа больш чым у сто краін свету, а Беларусь увозіць падкаранцінную прадукцыю з краін распаўсюджвання кукурузнага жука, Рассельгаснагляд накіраваў у адрас беларускага боку зварот пра неабходнасць забеспячэння пры ўвозе ў РФ фітасанітарнай бяспекі прадукцыі, транспартных сродкаў, упакоўкі і тары», - гаворыцца ў паведамленні. Гэтую інфармацыю Рассельгаснагляд накіраваў у адрас Еўразійскай эканамічнай камісіі і папярэдзіў аб магчымым негатыўным развіцці сітуацыі.

Распаўсюджванне дзіяброціка

Паводле паведамлення Рассельгаснагляду, кукурузны жук быў упершыню зафіксаваны на тэрыторыі Беларусі ў 2009 годзе. Ён сілкуецца выключна кукурузай. Дарослыя асобіны пашкоджваюць лісце і збожжа маладых пачаткаў. Акрамя таго, жукі і лічынкі з'яўляюцца пераносчыкамі грыбных, бактэрыяльных і вірусных захворванняў кукурузы. Тым не менш, асноўныя страты ўраджаю кукурузы наносіць харчаванне лічынак жука каранямі. Пашкоджаныя расліны не здольныя актыўна засвойваць ваду і пажыўныя рэчывы з глебы, у выніку запавольваецца іх рост і развіццё, яны вянуць, а пры моцным пашкоджанні каранёў без асаблівых высілкаў выдзіраюцца з глебы.

Сярэдняя хуткасць распаўсюджвання жука дзіяброціка складае 40 км у год, у асобныя перыяды можа перавысіць 150 км у год. Асноўныя меры барацьбы з заходнім кукурузных жуком накіраваны на знішчэнне лічынак і складаюцца са строгага севазвароту культур і з ужывання дазволеных інсектыцыдаў.