Капітан нацыянальнай каманды Харватыі: Праз доўгі час наша мара ажыццявілася
4- 12.07.2018, 11:23
- 12,432
Выхад у фінал чэмпіянату свету ў футболе - найбуйнейшы поспех у гісторыі Харватыі.
Паўабаронца нацыянальнай каманды Харватыі Лука Модрыч пасля перамогі над Англіяй у паўфінале чэмпіянату свету распавёў пра ролю матывацыі з боку брытанскіх СМІ і адмовіўся ацэньваць свае шанцы на «Залаты мяч». Пра гэта паведамляе sports.ru.
- Ангельскія журналісты і тэлеэкспэрты шмат балбаталі. Яны недаацанілі Харватыю і здзейснілі велізарную памылку. Пасля ўсіх гэтых слоў рэакцыя ў нас была адна: «Ок, паглядзім, хто сёння стоміцца». Яны павінны былі весці сябе больш сціпла і праявіць да спаборніка больш павагі.
Мы зноў паказалі цягавітасць - дамінавалі ў гульні як у псіхалагічным, так і ў фізічным плане. Мы павінны былі закласці інтрыгу яшчэ ў асноўны час.
Выхад у фінал - неймавернае для нас дасягненне. Праз доўгі час наша мара ажыццявілася. Гэта найбуйнейшы поспех у гісторыі Харватыі. Мы павінны ганарыцца гэтым.
Вось што мяне цяпер зусім не хвалюе, дык гэта «Залаты мяч». Наперадзе фінал чэмпіянату свету, усе думкі толькі пра яго.
Францыя - самы моцны спаборнік з усіх магчымых. Спадзяюся, сіл нам выстарчыць, - сказаў Лука Модрыч, які ў траўні перамог у Лізе чэмпіёнаў разам з мадрыдскім «Рэалам».
У фінале чэмпіянату свету 15 ліпеня нацыянальная каманда Харватыі згуляе з Францыяй.