17 лiпеня 2018, aўторак, 1:27
Рубрыкі

Беларусы занялі першае месца ў рэйтынгу сімпатый украінцаў

8
ФОТА: АПОСТРАФ

На другім месцы размесцілася Канада.

Сацыялагічная група "Рэйтынг" апублікавала сацапытанне ўкраінцаў, якое ўмоўна можна падзяліць на тры часткі. Апытанне правялі з 22 чэрвеня да 5 ліпеня гэтага года, апыталі 3200 поўнагадовых рэспандэнтаў. Пытанні тычыліся стаўлення насельніцтва да іншых краінаў, Еўразвязу і NATO, моўнай палітыкі Украіны, а таксама ў якім кірунку рухаецца краіна, піша kp.ua.

Еўразвяз, NATO і Расея

Паводле звестак даследавання, за ўступленне ў Еўразвяз выступаюць 50% апытаных, 28% – супраць.

За ўступленне краіны ў NATO выступаюць 42% насельніцтва супраць – 35%.

За ўступленне краіны ў Еўразвяз, пры ўмове выбару эканамічнага звязу, выступаюць 42% апытаных, за Мытны звяз – 11%, за адмежаванне ад таго і другога – 36%, 11% не вызначыліся з адказам.

Больш за ўсё любяць Беларусь і Канаду

Украінцы больш за ўсё сімпатызуюць Беларусі – 74%, Канадзе – 68%, і Еўрапейскаму Звязу – 68%.

Да ЗША добра ставяцца 58% апытаных, негатыўна – 27%.

Да Расеі адчуваюць сімпатыі 35% рэспандэнтаў, а негатыўна ставяцца 52%.

Больш за ўсё ўкраінцы давяраюць ААН – 58%, АБСЕ – 50%, NATO – 49%, МВФ – 39%.

Украінская – дзяржаўная, расейская – агульнаўжываная

61% выступілі за ўкраінскую мову як дзяржаўную. Пры гэтым 17% мяркуюць, што расейскую трэба зрабіць афіцыйнай у некаторых рэгіёнах краіны, захаваўшы статус украінскай як дзяржаўнай.

19% украінцаў мяркуюць, што расейскую мову трэба зрабіць дзяржаўнай, як і ўкраінскую.

– Паводле звестак апытання, найбольшая колькасць прыхільнікаў надання расейскай мове пэўнага статусу – на поўдні і ўсходзе Украіны. У той самы час нават у гэтых рэгіёнах колькасць тых, хто выступае за захаванне статус-кво дзяржаўнай моўнай палітыкі – 40–45% – сказана ў даследаванні.