Трамп: Я б не дазволіў Расеі акупаваць Крым
5- 12.07.2018, 19:39
- 19,860
Прэзідэнт ЗША заявіў пра незадаволенасць сітуацыяй з Крымам.
Амерыканскі прэзідэнт Дональд Трамп заявіў, што яму не падабаецца сітуацыя, вакол акупаванага РФ Крыма, аднак яна склалася ў часы прэзідэнцтва ягонага папярэдніка Барака Абамы. Пра гэта Трамп сказаў на прэс-канферэнцыі ў Брусэлі саміту NАТО, паведамляе РБК.
«Я б не дазволіў гэтаму здарыцца, а ён дазволіў. Але я не рады сітуацыі вакол Крыма. І я пакуль не магу выказаць здагадку, як гэтая сітуацыя будзе развівацца далей», - сказаў Трамп.
Ён дадаў, што «расейцы будуюць масты да Крыма», выказаўшы здагадку, што яны таксама там будуюць «базу для падводных лодак».