Беларусы ўзялі ўдзел у Маршы заняволеных народаў у Нью-Ёрку
2- 15.07.2018, 19:44
- 22,713
Марш адбыўся сёння, 15 ліпеня.
У нядзелю, 15 ліпеня 2018 на Мангэтане ў Нью-Ёрку адбыўся марш заняволеных народаў з удзелам беларусаў. Гэта акцыя салідарнасці з народамі, якія апынуліся пад прыгнётам.
Пра гэта на сваёй старонцы ў «Фэйсбуку» паведаміў актывіст Вадзім Васільеў.
Пачынаючы з 1959 года, Марш заняволеных народаў адкрывае мерапрыемства Тыдзень заняволеных народаў, які быў створаны, каб звяртаць увагу амерыканскага грамадства на становішча народаў, заняволеных камуністычнымі, а цяпер посткамуністычнымі і іншымі тыраніямі і дыктатурамі.