Фотафакт: Пуціна высмейваюць перад самітам у Хельсінкі

Кіраўніка Крамля ў сталіцы Фінляндыі павіталі спецыяльным банэрам.

Найбуйнейшая газета ў Фінляндыі вітае прэзідэнта Расеі Уладзіміра Пуціна шэрагам рэкламных шчытоў перад доўгачаканым самітам з кіраўніком Белага Дома Дональдам Трампам і здзекуецца з ягонага заведама дрэннага стаўлення да СМІ.

На вуліцах Хельсінкі з'явілася серыя білбордаў, закліканая падкрэсліць праблемы свабоднай прэсы. Надпіс на адным з іх абвяшчае: «Спадар прэзідэнт, сардэчна запрашаем на зямлю свабоднай прэсы».

Нагадаем, саміт у Хельсінкі пачнецца а 13.00 паводле менскага часу.