Актывістка Pussy Riot атрымала 15 дзён за акцыю на ЧС-2018

Справы трох іншых актывістаў будуць разгледжаныя на працягу найбліжэйшых гадзін.

Актывістка групы Pussy Riot Вераніка Нікульшын, выбегла на поле ў матчы фіналу чэмпіянату свету ў футболе, атрымала 15 дзён арышту. Суд прызнаў яе вінаватай паводле адміністрацыйнага артыкула аб парушэнні правілаў паводзін на спартыўных мерапрыемствах.

Як паведамляе карэспандэнт «Медузы», Нікульшын таксама забаранілі наведваць спартыўныя спаборніцтвы тэрмінам на тры гады. Справы трох іншых актывістаў будуць разгледжаныя на працягу найбліжэйшых гадзін.

Чацвёра ўдзельнікаў Pussy Riot, сярод якіх быў выдавец «Медиазоны» Пётр Вярзілаў, выбеглі на поле на 50-й хвіліне матчу паміж Францыяй і Харватыяй. Сваімі дзеяннямі актывісты хацелі прыцягнуць увагу да пытання палітвязняў і палітычнай канкурэнцыі ў Расеі.