Відэафакт: Маланка ўдарыла за паўметра ад мянчанкі
5- 18.07.2018, 16:02
- 23,136
Учора Менск зноў накрыла стыхія - залева і навальніца.
Дрэвы паваліла, вуліцы затапіла, а мянчанка Вольга Мароз знаходзілася за паўметра ад трагедыі. Яна апублікавала ў «Фэйсбуку» відэа, на якім разрад маланкі б'е ў зямлю прама каля яе.
- З фізічных адчуванняў толькі асляпіла на пару секунд. А так спалохалася, вельмі. Калі гэта адбылося, я хуткім крокам пайшла да аўто і бачыла, якімі вачыма на мяне глядзеў мужчына, які сядзіць у аўто; мне здаецца, ён бачыў, - распавяла Вольга CityDog.by. - На самай справе я шмат пазней ўсвядоміла, што адбылося і што магло б адбыцца. Родныя аблаялі за тое, што пачуцця самазахавання няма.