Відэазагадка: Літоўскія памежнікі прапанавалі пералічыць беларускіх дзікоў-нелегалаў
25- 19.07.2018, 19:50
- 20,569
Літоўскія памежнікі прапаноўваюць усім ахвочым палічыць парушальнікаў мяжы на адным цікавым відэа.
Камеры запісалі, як статак дзікоў з Беларусі перабягае дзяржаўную мяжу, паведамляе tut.by.
Літоўская Служба аховы дзяржаўнай мяжы апублікавала відэа: у Швенчэнскі раён з Беларусі перабягае статак дзікоў і парасят. Іх так шмат, што на другім дзясятку людзі звычайна збіваюцца.
«На службе памежнікі павінны быць як мага больш пільнымі. Ці пільныя вы? Паспрабуйце злічыць, колькі дзікоў», - прапануюць літоўскія памежнікі.
Абяцаюць, што першыя пяць чалавек, якія дадуць правільны адказ пад запісам у Facebook, атрымаюць у падарунак сувенірную ручку з лагатыпам ведамства. І хоць свае версіі ўжо назвалі амаль тры сотні чалавек, здаецца, шанец ёсць у кожнага.