Матч на стадыёне «Дынама» разам з сагнанымі гледачамі наведала больш за 13 тысяч чалавек

Ідэолагі папрацавалі на славу.

За матчам «Дынама» Менск - «Дэры Сіці», які праходзіў на стадыёне «Дынама», назірала 13750 гледачоў, паведамляе «Трибуна».

Умяшчальнасць абноўленай арэны - 22 234 чалавекі.

Такім чынам, сустрэча стала самай наведвальнай хатняй гульнёй для беларускіх клубаў у еўракубках з 2012 года.

Нагадаем, 20 лістапада 2012 года на стадыёне «Дынама», да закрыцця яго на рэканструкцыю, хатні матч 5-га тура групавога раўнду Лігі чэмпіёнаў праводзіў БАТЭ і саступіў «Лілю» (0:2). За сустрэчай назірала 22810 заўзятараў.

Агульная ўмяшчальнасць новай «Барысаў-Арэны» - 13121 чалавек.

Як раней паведамляў Charter97.org, квіткі на матч «Дынама» Менск - «Дэры Сіці» раздавалі бясплатна праз упраўленне ідэалагічнай работы выканкама. Такое запаўненне стадыёна выклікала абурэнне ў заўзятараў, якія куплялі квіткі ці сезонныя абанементы.