28 сакавiка 2024, Чацвер, 22:36
Падтрымайце
сайт
Сім сім,
Хартыя 97!
Рубрыкі

У Брытаніі гатовы нацыянальны рэжым санкцый супраць РФ пасля Brexit

У Брытаніі гатовы нацыянальны рэжым санкцый супраць РФ пасля Brexit

Санкцыі, якія ўводзіліся на ўзроўні Еўразвязу і іншых міжнародных арганізацый, будуць ужытыя ў брытанскім заканадаўстве.

Урад Брытаніі распрацаваў нацыянальны рэжым санкцый у дачыненні да Расеі, які пачне дзейнічаць пасля Brexit.

Пра гэта паведаміла ў інтэрв'ю "Сапраўднаму Часу" амбасадарка Украіны ў Лондане Наталля Галібарэнка.

"Усе санкцыі, якія ўводзіліся на ўзроўні ЕЗ і іншых міжнародных арганізацый, будуць ужытыя ў брытанскім заканадаўстве. Мае кантакты ў парламенце і ўрадзе казалі, што брытанцы для сябе не выключаюць магчымасці пашырэння санкцыйных спісаў", – сказала Галібарэнка.

"Мы будзем працаваць над тым, каб быў персанальны спіс людзей, якія датычныя да ўзброенай агрэсіі ва Украіне ці арганізацыі фэйкавага рэферэндуму ў Крыму", – дадала яна.

Дзяржсакратар Міністэрства замежных справаў Вялікай Брытаніі ў пытаннях Еўропы Алан Дункан раней запэўніваў, што сусветныя санкцыі супраць Расейскай Федэрацыі павінны захавацца таксама пасля выхаду Злучанага каралеўства са складу ЕЗ.

Напісаць каментар

Таксама сачыце за акаўнтамі Charter97.org у сацыяльных сетках