Няўзораў: Адзіны метад развязання праблемы «ДНР» - гэта добры, ёмісты выцвярэзнік

Ніякага тлумачэння стварэння «ДНР», акрамя алкагалізму верхаводаў ваеўнікоў, не існуе.

Створаная ваеўнікамі на Данбасе "ДНР" канечне будзе распушчаная, аднак не ўсе разумеюць, як гэта можна зрабіць. Пра гэта ў эфіры радыёстанцыі "Эхо Москвы" распавёў расейскі публіцыст Аляксандр Няўзораў.

"Мне падаецца гэта вельмі простай справай, вельмі зразумелай. Вядома, што адзіны метад развязання [праблемы] "ДНР"- гэта добры, ёмісты выцвярэзнік, бо менавіта ў выцвярэзніку скончыцца "ДНР", бо калі мы будзем аналізаваць патрэбу гэтага дзіўнага ўтварэння, ніякага тлумачэння, апраўдання, акрамя алкагалізму, мы ўсё адно не знойдзем і не выявім", - падкрэсліў ён.

Публіцыст дадаў, што ў выцвярэзнік трэба будзе "заладаваць" усё так званае кіраўніцтва "ДНР", каб вывесці іх з стану, у якім яны цяпер знаходзяцца.

"Яны выйдуць і скажуць: "Халера, а што гэта наогул было? А навошта гэта было і каму гэта будзе трэба?" І тады людзі будуць жыць, а не курчыцца пад абстрэламі, бо цяпер яны не жывуць менавіта з гэтай прычыны", - падагуліў Няўзораў.