Паводле справы аб катаваннях зняволенага затрымалі шасцярых супрацоўнікаў калоніі ў РФ

Справу перадаюць у суд.

Шэсць супрацоўнікаў яраслаўскай калоніі №1 затрыманыя паводле справы аб катаваннях зняволенага Яўгена Макарава. Пра гэта паведамляе рэгіянальная ўправа Следчага камітэта РФ.

«У цяперашні час следствам вызначаныя ўсе супрацоўнікі папраўчай калоніі, якія ўдзельнічалі ў збіцці зняволенага. Сёння ўжо затрыманыя 6 чалавек. У суд будуць накіраваныя хадайніцтвы следства аб абранні ў дачыненні да затрыманых захады стрымання ў выглядзе змяшчэння пад варту», – гаворыцца ў паведамленні СК.

Раней «Новая газета» апублікавала відэа з катаваннямі зняволенага яраслаўскай калоніі Яўгена Макарава. Дзесяціхвілінны ролік быў запісаны відэарэгістратарам, якія абавязаныя насіць супрацоўнікі ФСВП. На відэа бачна, як некалькі чалавек у форме ФСВП збіваюць Макарава дубінкамі і кулакамі і некалькі разоў абліваюць ягоную галаву вадой з вядра.