Арцыбіскуп Кандрусевіч: У сям’ю будуць груба ўмешвацца чыноўнікі рознага кшталту

Кіраўнік Каталіцкай Царквы ў Беларусі раскрытыкаваў Канцэпцыю закона «Аб супрацьдзеянні хатняму гвалту».

Кіраўнік Каталіцкай Царквы Беларусі мітрапаліт Мінска-Магілёўскі арцыбіскуп Тадэвуш Кандрусевіч 9 жніўня выказаў абурэнне шэрагам пазіцый прынятай Канцэпцыі закона «Аб супрацьдзеянні хатняму гвалту», піша krynica.info.

«Прыняцце праекта Канцэпцыі з’яўляецца працягам наступу на традыцыйныя каштоўнасці, які ўтрымліваецца ў ім; на цэласнасць сям’і, традыцыйныя ролі членаў сям’і, а таксама далейшым размываннем самога паняцця сям’і», – кажа мітрапаліт Кандрусевіч, паведамляе catholic.by.

«У Канцэпцыі відавочная спроба злучыць паняцце «традыцыйныя сямейныя каштоўнасці» і паняцці «гендар», «гендарныя стэрэатыпы», «гендарныя ролі», «гендарная культура», што ў прынцыпе недапушчальна. Паняцце «гендар» і яго вытворныя — гэта канструкт, які праводзіць ідэю «сацыяльнага полу», адмаўляе стварэнне чалавека як мужчыны і жанчыны (пар. Быц 1, 27) і прадугледжвае «ачышчэнне» ад усіх культурных, рэлігійных, сямейных, народных традыцый і вопыту пад выглядам барацьбы за раўнапраўнасць. Папа Францішак рэзка асудзіў гендарную канцэпцыю, назваўшы яе ідэалагічнай каланізацыяй і сусветнай вайной супраць сям’і», – намагае кіраўнік Каталіцкай Царквы.

«Сцверджанні пра «ўмацаванне інстытута сям’і», што ўтрымліваюцца ў Канцэпцыі, прама супярэчаць яе зместу, які атакуе традыцыйныя сямейныя каштоўнасці», – дадае мітрапаліт.

«Вельмі небяспечным з’яўляецца ўвядзенне ў Канцэпцыю тэрмінаў «псіхалагічны гвалт» і «эканамічны гвалт». Шырокія рамкі гэтых паняццяў адкрываюць неабмежаваную прастору для нядобрасумленных паводзінаў і грубага ўмяшання ў сям’ю разнастайных чыноўнікаў. Гэтыя тэрміны з’яўляюцца элементамі ювенальнай юстыцыі, з-за якой у першую чаргу зазнаюць стасункі паміж бацькамі і дзецьмі. У выніку аслабне аўтарытэт бацькоў і прэстыж бацькоўства, гэтак жа як магчымасць бацькоў адэкватна займацца выхаваннем дзяцей», – рэзюміруе мітрапаліт Кандрусевіч, на думку якога, панятак «эканамічнага гвалту» падрывае іерархію ў сям’і.

На думку кіраўніка Каталіцкай Царквы Беларусі, тэза пра «недапушчальнасць разгляду звычаяў, рэлігійных перакананняў, веравызнання, традыцый як апраўдання любых формаў хатняга гвалту або падставы для вызвалення крыўдзіцеля ад адказнасці» з’яўляецца падставай для «рэпрэсіяў у сувязі з рэлігійным выхаваннем дзяцей».