У генным фондзе Эстоніі пачаў працаваць робат

На сваім працоўным месцы робат будзе дапамагаць падзяляць сабраную кроў на кампаненты

Генны фонд Эстоніі прыняў на працу незвычайнага супрацоўніка. Ім стаў робат, які, як мяркуецца, значна паскорыць збор генных звестак жыхароў краіны. На сваім працоўным месцы робат будзе дапамагаць падзяляць сабраную кроў на кампаненты, піша rus.err.ee.

«З дапамогай гэтай машыны, якая вылучае ДНК, цяпер мы можам за паўтары гадзіны апрацоўваць блізу ста генетычных проб. Раней гэты працэс уручную займаў блізу тыдня, пры гэтым адначасова апрацоўваліся не 96 проб, а толькі 24», - распавёў кіраўнік лабараторыі біабанка геннага фонду Эстоніі Стэвен Сміт тэлеканалу «ETV +» 9 жніўня (цытата паводле Rus.err.ee).

За два тыдні робат ужо дастаў больш за чатыры тысячы генетычных проб. А генатыпаванне - адзін з самых важных элементаў даследавання - удалося правесці на больш чым дзесяці тысячах узораў.

Са слоў Сміта, калі цікавасць насельніцтва да геннага донарства ўзрасце, з такім памочнікам спецыялістам ужо не трэба будзе сядзець начамі, не паспяваючы апрацаваць матэрыял.

Эстонскі генны фонд (ЭГФ) Тартускага ўніверсітэта з'яўляецца базай, якае апісвае звесткі радаводу, стану здароўя, а таксама генных даследаванняў добраахвотных донараў ДНК. Гэтыя звесткі дазваляюць праводзіць навуковыя даследаванні, якія даюць навукоўцам магчымасць зразумець, як генетычная інфармацыя і яе змены ўплываюць на развіццё індывіда, яго старэнне, дабрабыт і захворванні, адзначае ТАСС.