Больш за 300 мільярдаў рублёў пенсійных накапленняў расейцаў сплылі ў афшор

Актывы пенсійнага магната Мінца, які з'ехаў у Лондан разам з сям'ёй, дастануцца кіпрскай фірме.

Мільярдэр Барыс Мінц, які разбагацеў на гандлі нафтай і алюмініем, а пазней пераключыўся на пенсійныя назапашванні расейцаў, аддаў за запазычанасці сваю фінансавую групу «Будучыня», піша сайт finanz.ru.

Новым уласнікам кампаніі, якая валодае трыма пенсійнымі фондамі з накапленняў на 313 рублёў, стане кіпрскі афшор.

Актывы пенсійнага магната, які ў траўні з'ехаў у Лондан разам з сям'ёй, дастануцца кіпрскай Riverstretch Trading&Investments (RT&I).

Гэта частка працэсу вяртання пазык Мінцаў, тлумачыць іх крэдытор: тры месяцы таму адна са структур мільярдэра - «О1 груп Фінанс» - не змагла расплаціцца з трымальнікамі сваіх аблігацый і дапусціла дэфолт на 13,9 рублёў.

«O1 Group» Мінца завінавацілася 25 млрд рублёў Маскоўскаму крэдытнаму банку, але той пераўступіў крэдыт свайму акцыянеру - канцэрну «Расіюм» Рамана Аўдзеева, які і наняў RT&I. Ёй можа дастацца заклад па крэдыце - 75% плюс 1 акцыя ФГ «Будучыня», а таксама 62,5% О1 Properties, аднаго з найбуйнейшых уладальнікаў маскоўскай нерухомасці.

Уладальнікі RT&I невядомыя, але, паводле звестак «Ведомостей», яна дзейнічае ў інтарэсах «Раснафты» і групы «Рэгіён».

За 2017 год ФГ «Будучыня» Мінца, якая валодае аднайменным НПФ і яшчэ двума фондамі (НПФ «Адукацыя» і НПФ «Тэлекам-саюз»), атрымала страту 13,529 рублёў: фонды актыўна ўкладвалі назапашванні ў паперы ФК «Адкрыццё», якія абясцэніліся пасля таго, як банк пайшоў на дно і быў нацыяналізаваны з дзіркай, якая перавышае 450 млрд рублёў.

НПФ «Будучыня» за год прынёс сваім кліентам адмоўную даходнасць у накапленнях: яна склала мінус 2,01% гадавых.

Лёс фондаў застаецца пад пытаннем. Закрыць дзірку на балансе фондаў можна толькі за кошт выкупу дрэнных актываў, кажа гендырэктар кансалтынгавай кампаніі «Пенсійны партнёр» Сяргей Акалеснаў.

Незразумела толькі, хто менавіта будзе іх выкупляць, прадаўжае ён: «Наўрад ці RT&I захоча рабіць гэта за свае сродкі, магчыма, кампанія папросіць выкупіць дрэнныя актывы былога ўласніка фонду або папросіць дапамогі ў дзяржавы».