ЗША прыстрашылі Турцыю новымі санкцыямі

Дадатковыя санкцыі будуць уведзеныя, калі Анкара не вызваліць пастара Брансона.

Міністр фінансаў ЗША Стывен Мнучын заявіў, што Штаты ўвядуць дадатковыя санкцыі, калі Турцыя не вызваліць амерыканскага пастара Эндру Брансана, піша «Новое время».

Пра гэта паведамляе Bloomberg News.

1 жніўня Мінфін ЗША увяло санкцыі супраць міністра ўнутраных спраў Турцыі Сулеймана Сойлу і міністра юстыцыі Абдулхаміта Гюля, якіх уважан за датычных да ўтрымання амерыканскага пастара Эндру Брансана, і замарозіў іх актывы.

Увесці санкцыі дазволіў так званы глабальны акт Магніцкага, які накіраваны на тых, хто, на думку ўладаў ЗША, датычны да карупцыі і парушэння правоў чалавека.

Санкцыі прывялі да падзення ліры да рэкордных значэнняў - з пачатку года яна патаннела да даляра на 40%. Аднак на гэтым улады ЗША не спыніліся. Неўзабаве Трамп абвясціў, што амерыканскія ўлады ўдвая павялічваюць мыты на пастаўкі турэцкай сталі і алюмінію. Гэта толькі ўзмацніла падзенне нацыянальнай валюты і фондавага рынку, а таксама сур'ёзна пагоршыла прагнозы аб інфляцыі.

Эрдаган у адказ папярэдзіў, што аднабаковая палітыка ЗША вымусіць Турцыю шукаць новых сяброў. Ён таксама заклікаў насельніцтва прадаваць золата і даляры і прыстрашыў байкотам электроннай прадукцыі з ЗША.