Аляксей Бага зацверджаны галоўным трэнерам БАТЭ
1- 17.08.2018, 11:27
- 8,313
37-гадовы спецыяліст пазбавіўся ад прыстаўкі «в.а.» і стаў паўнапраўным галоўным трэнерам БАТЭ.
Пра гэта паведамляе афіцыйны сайт жоўта-сініх.
Нагадаем, што пасля чэрвеньскай адстаўкі Алега Дулуба ягоны бліжэйшы асістэнт прыняў каманду ў статусе «в.а.».
Пад кіраўніцтвам Багі «жоўта-сінія» застаюцца ў лідарах у чэмпіянаце Беларусі. Надоечы БАТЭ прабіўся ў раўнд плей-оф Лігі чэмпіёнаў, дзе згуляе з ПСВ. Барысацы ўжо гарантавалі сабе еўракубкавую восень.