Лукашэнку прапанавалі кандыдатуры новых міністраў ва ўрадзе

Дыктатар правёў нараду ў кадравых пытаннях.

Лукашэнку далажылі аб прапановах у кадравых прызначэннях ва ўрадзе, а таксама ў замене iншых службовых асоб, паведамляе прэс-служба дыктатара.

«У працяг нашай размовы ў Аршанскім рэгіёне ў частцы кадравых прызначэнняў і перамяшчэнняў я спецыяльна папрасіў, і тры дні адміністрацыя разам з кіраўнікамі «парламента», старшынём Камітэта дзяржкантролю працавала над унясеннем тых кандыдатур, якія павінны быць унесеныя згодна з маімі даручэнні аб прызначэннях ва ўрадзе і ў сувязі з заменай некаторых службовых асобаў. Як і дамаўляліся, сёння Наталля Іванаўна (Качанава) даложыць узгодненую або няўзгодненую пазіцыю ў гэтых пытаннях», - сказаў дыктатар на нарадзе ў Палацы незалежнасці.

«Я ведаю, што былі праведзеныя кансультацыі з грамадскімі арганізацыямі і іншымі. Думаю, што я таксама паслухаю іх меркаванне перад тым, як прызначаць новых членаў урада і іншых службовых асоб. Зразумела, што сёння мы разгледзім некаторыя кандыдатуры, якія прапаноўваліся вамі і былі рэкамендаваныя мною для разгляду», - адзначыў Лукашэнка.

Дыктатар звярнуў увагу, што ёсць нядрэнныя паслы, якія атрымалі пэўны досвед работы. «І вельмі нават добрыя кандыдатуры з ліку дыпламатычнага корпуса. Паслухаем меркаванне і міністра замежных спраў у частцы прадстаўленых кандыдатур з дыпкорпуса», - сказаў ён.

«Спектр кандыдатур досыць шырокі, і давайце мы гэтыя кандыдатуры разгледзім. Але пытанне трэба развязваць, не зацягваючы, каб не дапусціць некантраляванага развіцця некаторых, перш за ўсё негатыўных, працэсаў у эканоміцы, - падкрэсліў Лукашэнка.

Акрамя таго, на нараду былі спецыяльна запрошаныя старшыня КДБ Валерый Вакульчык і начальнік Аператыўна-аналітычнага цэнтра пры прэзідэнце Беларусі Андрэй Паўлючэнка.

«Каб потым не было размоў: тыя, не тыя кандыдатуры. Натуральна, што яны кантралююць сваімі структурамі антыкарупцыйны складнік службовых асоб кадравага рэестра прэзідэнта. Калі ў іх ёсць нейкія пытанні аб кандыдатурах, якія будуць абмяркоўвацца, яны выкажуць», - растлумачыў Лукашэнка.

Лукашэнка падкрэсліў, што таму і даручыў забяспечыць асаблівы рэжым функцыянавання і кіравання Аршанскім раёнам. «Пакуль мы там з балота будзем вылазіць і выводзіць на нармальны ўзровень развіцця прадпрыемствы і сацыяльную інфраструктуру, увесці асобы рэжым кіравання ў Аршанскім рэгіёне. Гэта значыць, кожны, пачынаючы ад звычайнага чалавека, павінен быць напружаны гэтак жа, як кіраўнікі прадпрыемстваў і адпаведныя структуры ўлады. Людзі павінны адчуваць, што там пачалася, вобразна кажучы, рэвалюцыя і варушыцца трэба ўсім, у тым ліку звычайным людзям», - дадаў дыктатар.