Саакашвілі заявіў, што вернецца ва Украіну пасля сыходу Парашэнкі
- 17.08.2018, 19:47
- 7,922
Палітык заявіў, што будзе дамагацца аднаўлення ўкраінскага грамадзянства.
Экс-прэзідэнт Грузіі і лідар «Руху нових сил» Міхаіл Саакашвілі заявіў, што вернецца ва Украіну пасля таго, як цяперашні прэзідэнт краіны Пятро Парашэнка сыдзе з пасады кіраўніка дзяржавы. Пра гэта ён заявіў у эфіры «Радио НВ», піша «Новое время».
«[Я вярнуся] як толькі Парашэнка сыдзе і я аднаўлю сваё грамадзянства праз судовую сістэму. Таму што элементарна там было ўсё парушана ў дачыненні да мяне», - сказаў Саакашвілі.
Ён мае намер дамагчыся таго, каб чыноўнікі, якія маюць дачыненне да страты ім грамадзянства Украіны, адказалі за свае дзеянні ў законным парадку.
«Натуральна, я буду вяртацца ва Украіну», - падкрэсліў Саакашвілі. Cаакашвілі атрымаў украінскае грамадзянства ў траўні 2015 года, ён быў кіраўніком Адэскай аблдзяржадміністрацыі, а ў ліпені 2017-га страціў грамадзянства. Парашэнка выдаў адпаведны ўказ праз ілжывыя звесткі, якія палітык указаў пры атрыманні ўкраінскага пашпарта, між іншым не згадаў, што ў Грузіі супраць яго распачатыя крымінальныя справы.