Мінпрыроды: Гаспадар пітона, які патрапіў у яслі, будзе прыцягнуты да адказнасці

Тыгровага пітона перадалі ў заапарк.

Міністэрства прыродных рэсурсаў і аховы навакольнага асяроддзя адрэагавала на гісторыю з пітонам, які трапіў у сталічныя яслі-сад. У заяве ведамства гаворыцца, што гаспадар паўзуна (1 асобіны тыгровага пітона) будзе прыцягнуты да адміністрацыйнай адказнасці, піша onliner.by.

- Мінпрыроды аператыўна праведзены маніторынг наяўных у наяўнасці ў грамадзян у Менску афіцыйна зарэгістраваных тыгровых пітонаў. Цяпер дзікая жывёла знойдзеная і перададзеная прадстаўнікамі Менскага заапарка грамадзяніну, які заявіў на яго правы.

Менскім гарадскім камітэтам прыродных рэсурсаў і аховы навакольнага асяроддзя высвятляюцца падрабязнасці і абставіны здарэння, у тым ліку асоба грамадзяніна, падрыхтаваная позва аб выкліку яго ў камітэт для дачы тлумачэння.

У выпадку пацвярджэння законнасці валодання названай дзікай жывёлай у дачыненні да грамадзяніна будзе пачаты адміністрацыйны працэс паводле артыкула 15.32 Кодэкса Рэспублікі Беларусь аб адміністрацыйных правапарушэннях за несвоечасовую рэгістрацыю дзікай жывёліны і за парушэнні ўмоў утрымання, - гаворыцца ў заяве.

Нагадаем, змяю выявілі на вуліцы Убарэвіча, у доме №14 (гэта тэрыторыя ясляў-сада №292). Ад здзіўлення людзі тэлефанавалі ў МНС. Тыгровага пітона даўжынёй 4 метры і вагой 8 кілаграмаў у выніку адлавілі і перадалі ў заапарк.