21-гадовы хлопец з Барысава «прадаў» крыптавалюту за $7 тысяч

Жыхар Барысава падмануў даверлівага грамадзяніна, які хоча набыць крыптавалюту.

Злачынцы сталі выкарыстоўваць крыптавалюту як сродак для прынады, папярэджвае Следчы камітэт. Прэс-служба ўстановы паведамляе аб чарговым такім злачынстве, якое адбылося ў сталіцы. Кастрычніцкі раённы аддзел Следчага камітэта распачаў крымінальную справу ў дачыненні да 21-гадовага жыхара Барысава, які падмануў даверлівага грамадзяніна, які хацеў набыць крыптовалюту.

Хлопец размясціў у сеціве аб'яву аб продажы крыптавалюты. Адгукнуўся жыхар Гародні, які гатовы быў набыць яе за 14 тысяч беларускіх рублёў. Прадавец і пакупнік сустрэліся ў Менску: падчас той сустрэчы прадавец паказаў мабільны дадатак, які імітуе залічэнне крыптавалюты на рахунак. Пацярпелы яму паверыў і аддаў грошы, калі ж ён вярнуўся дадому ў Гародню, то выявіў, што ніякага пералічэння крыптавалюты не было, а прадэманстраваны дадатак працаваў у тэставым рэжыме. Ашуканы пакупнік пайшоў у міліцыю.

На прадаўца завялі крымінальную справу паводле ч.3 арт. 209 (Махлярства, учыненае ў вялікай суме). Следчыя забралі ў падазраванага мабільны тэлефон, каб даследаваць спосаб учыненага злачынства.