29 сакавiка 2024, Пятніца, 15:43
Падтрымайце
сайт
Сім сім,
Хартыя 97!
Рубрыкі

Як ДАІ сэлекцыйна ставіцца да парушальнікаў ПДР

20
Як ДАІ сэлекцыйна ставіцца да парушальнікаў ПДР
Архіўныя фота КОММЕРСАНТ

Кіроўца абураны паводзінамі аўтаінспектараў.

Удзельнік форуму abw.by пад мянушкай NJEKAne011 змясціў відэа сітуацыі, у якой ДАІ наважыла, што ён не прапусціў жанчыну-пешаходку, і пакарала яго. А між тым кіроўца Nissan, што таксама праехаў “зебру", застаўся беспакараным.

Аўтамабіліст напісаў: "Скрыжаванне вул.Даўгабродскай з зав.Казлова. Непрапусканне пешахода, заплаціў 1 б.а. Усё нібыта паводле Правілаў, але не па-людску. Цёмны Nissan Terrano на відэа ў два разы бліжэйшы да пешахода - яму нічога. А мне... Крыўдна".

Таксама ў абмеркаванні відэа на ютубе аўтар дадаў: "Там усяго тры палосы, дзве сустрэчныя. Калі я праехаў, жанчына заканчвала першую палосу з трох праходзіць - гэта ад майго самахода мінімум 5 мэтраў. Ды і я павольна стартаваў, бо спалохаўся, калі імкліва Nissan Terrano левы паварот рабіў на ніштаватай што да мяне хуткасці, а ён ад пешахода быў максімум за тры мэтры. Але яму - нічога".

Можна наогул паспрачацца, ці было непрапусканне пешахода, але кіроўца не жадае аспрэчваць пастанову ДАІ: "На жаль, суд для мяне, як і для большасці - гэта змарнаваны час і грошы. Лягчэй 24,5 рубля заплаціць і баяцца далей ездзіць. А то могуць яшчэ і 15 дзён арышту ў наш час даць ні за што..."

Напісаць каментар 20

Таксама сачыце за акаўнтамі Charter97.org у сацыяльных сетках