Дыетолагі склалі спіс прадуктаў, якія маюць быць у рацыёне кожнага чалавека

У ім апынуліся малакаларыйныя белакачанная і кітайская капуста.

Яны багатыя на кальцый, жалеза, абалоніну. Квяцістая капуста ад іх не адстае. У ёй, акрамя абалоніны, ёсць важныя элементы - фоліевы квас, вітаміны В6, С, К і калій, паведамляе orthodox.od.ua са спасылкай на This is Insider.

Вітаміны С, В6, фоліевую квас, калій і цэлых 5 грамаў абалоніны можна знайсці ў кальрабі. Цыбуля-шалот таксама вабіць дыетолагаў за кошт змяшчэння вітамінаў А і С, нізкай каларыйнасці (толькі 32 калорыі на кубак). Брусэльская капуста - унікальная крыніца глюказаналаты ды ізатыяцыянатаў, якія могуць дапамагчы знізіць рызыку развіцця пэўных тыпаў раку. У ёй можна знайсці абалоніну, фоліевы квас, вітаміны A, C, K, B6, жалеза, калій.

А кубак крышанага гарбуза змяшчае больш калію, чым банан, кажуць экспэрты. За яскравым абліччам хаваецца бэта-каратын (папярэднік вітаміну А), важны для падтрымання вастрыні зроку. Акрамя гэтага, у гарбузе шмат абалоніны, вітамінаў B6, C, E і жалеза. Цяжарным жанчынам паказана есці брокалі праз высокае змяшчэнне вітаміну З і фоліевага квасу. Да таго ж, шэраг даследаванняў звязваў брокалі з паніжанай рызыкай рака.

З пункту гледжання карысці, з брокалі можа падужацца, мабыць, толькі шпінат. У ім змяшчаецца кемпферол, які, на думку даследчыкаў, абараняе ад рака і шэрагу хранічных захворванняў. Даследаванне 2011 года паказала, што некаторыя з кампанентаў шпінату зніжаюць патрэбу веласіпедыстаў у кіслародзе падчас заездаў. А тыразін, які ўваходзіць у склад шпінату, павышае хуткасць рэакцыі, пра што кажа даследаванне 2014 года.

Рукала паляпшае страваванне і можа папоўніць нястачу цынку, кальцыю і жалеза ў рацыёне. У сваю чаргу, кубак крышанага балгарскага перцу дае 300% ад дзённай нормы вітаміну С, амаль 100% ад нормы вітаміну А. І яшчэ ў ім ёсць вітамін В6. Дарэчы, у кубку крышанай капусты кале прыкладна 700% ад дзённай нормы вітаміну К, больш за 200% ад нормы вітаміну А.

Цыбуля будзе выдатным дадаткам да страў з бульбы. Яна павысіць узровень абалоніны, вітамінаў A, B6, C, K, фоліевага квасу, кальцыю, жалеза, магнію і калію ў рацыёне. А латук наогул можна ўважаць за супэрпрадукт. У кубку латука толькі 5 калорый і вялікая порцыя вітамінаў і мінеральных рэчываў. Пятрушка і цыкорый патрэбныя для падтрымання аптымальнага ўзроўню вітамінаў, фоліевага квасу і цынку. У іх вельмі мала калорый - толькі 22 на кубак пятрушкі і 7 - на кубак цыкорыю. Дарэчы, вадзяны крэс можа дапамагчы знізіць рызыку дыябету 2-га тыпу, адзначаюць экспэрты.