Болтан перасцярог Расею, Іран, Кітай і КНДР ад умяшання ў выбары ў ЗША
1- 19.08.2018, 19:24
- 8,338
ФОТА: REUTERS
Расея не адзіная краіна, якая плануе ўмяшацца ў амерыканскія выбары 2018 года.
Дарадца прэзідэнта ЗША ў нацыянальнай бяспецы Джон Болтан заявіў, што Расея - не адзіная краіна, якая плануе ўмяшацца ў прамежкавыя выбары 2018 года. Акрамя яе, гэта таксама Кітай, Паўночная Карэя і Іран. Словы Болтана перадае тэлеканал ABC (пераклад - «Новая газета»).
All of the fools that are so focused on looking only at Russia should start also looking in another direction, China. But in the end, if we are smart, tough and well prepared, we will get along with everyone!
— Donald J. Trump (@realDonaldTrump) 18 августа 2018 г.
«Я магу дакладна сказаць, што існуе пагроза нацыянальнай бяспецы, якая зыходзіць ад магчымага кітайскага, паўночнакарэйскага і іранскага ўмяшання, так што мы спрабуем прадухіліць спробы ўсіх чатырох краін (заўв. - уключаючы Расею)», - заявіў Болтан.
Пры гэтым Болтан не стаў адказваць на пытанне журналіста тэлеканала, удакладніўшага,ці маюцца довады таго, што Кітай ужо спрабаваў як-небудзь паўплываць на выбары.
Прамежкавыя выбары пройдуць у ЗША 6 лістапада. На іх будзе цалкам перавыбраны шэраг губернатараў, а таксама частка парламента - траціна сенатараў і ніжняя палата Кангрэса цалкам.
Нагадаем, спецпракурор Роберт Мюлер з траўня 2017 году вядзе незалежнае расследаванне аб наяўнасці сувязяў чальцоў перадвыбарчага штаба Трампа з Расеяй і аб умяшанні Расеі ў выбары прэзідэнта ЗША.
У лютым 2018 года Мінюстыцыі ЗША выставіла абвінавачванні 13 грамадзянам Расеі і тром юрыдычным кампаніям за іх магчымыя дзеянні ва ўмяшанні ў кампанію выбараў прэзідэнта ЗША. Агенцтва інтэрнэт-даследаванняў, якое ўзначальвае Яўген Прыгожын, з 2014 года стварала ў сацсетках акаўнты грамадзян ЗША, праз якія вяла палітычныя дэбаты, чым паўплывала на ход выбараў.
У ліпені ЗША таксама выставілі абвінавачванні 12 расейскім выведнікам, паводле звестак ЗША, якія з'яўляюцца супрацоўнікамі Галоўнай управы Генштаба Узброеных сіл Расеі (раней - Галоўная выведвальная ўправа, ГРУ). Як гаворыцца ў тэксце абвінавачвання, пачынаючы з сакавіка 2016 года яны выкарыстоўвалі розныя сродкі для ўзломаў акаўнтаў валанцёраў і работнікаў прэзідэнцкай кампаніі Хілары Клінтан, уключаючы кіраўніка перадвыбарчага штаба Джона Падэста.
