Маці, у якой адабралі 3-месячнага сына: Максіма забралі, бо мы бедныя

Каталіцкая арганізацыя аплаціла правядзенне вады ў хату.

Гомельская дабрачынная каталіцкая місія «Карытас-Міласэрнасць» дапамагае беднай сям'і з гарадскога паселішча Лоеў у Гомельскай вобласці вярнуць дзіця, адабранае органамі апекі. Арганізацыя аплаціла правядзенне вады ў хату, каб выканаць умовы для вяртання нованароджанага Максіма, распавялі katolik.life у дабрачыннай місіі.

Гаворка ідзе пра тую самую сям'і, пра якую надоечы даведалася ўся краіна. Незалежная прэса распавяла аб праблеме Алесі Фаміных і Андрэя Коўзіка, у якіх забралі сына Максіма. Грамадзянскія муж і жонка жывуць бедна, працуюць на нізкааплатных працах, таму не могуць выканаць усе ўмовы, пастаўленыя камісіяй райвыканкама, для забеспячэння дзіцяці.

Раней сям'я знаходзілася ў сацыяльна-небяспечным становішчы - Андрэй злоўжываў алкаголем. Аднак падчас цяжарнасці Алесі муж перастаў піць, закадаваны, уладкаваўся на працу і выканаў амаль усе патрабаванні, якія датычацца рамонту і забеспячэння дзіцяці. Толькі на адну справу ў сям'і не дастаткова грошай - на правядзенне ў дом вады.

- Гэта дзіця для нас доўгачаканае, мне цяжка даліся роды, я выпакутавала яго. А цяпер мне дазваляюць бачыць яго толькі паўгадзіны на дзень. Максіма забралі, бо мы бедныя, а цяпер яшчэ і патрабуюць плаціць за яго дзяржаве, - плача Алеся.

Пасля рэзанансу ў грамадстве ў райвыканкаме пайшлі насустрач маладой сям'і і паабяцалі, што вернуць нованароджанага адразу пасля таго, як у доме з'явіцца вада. Неабыякавыя людзі пералічылі бацькам грошы, але для правядзення водаправоду большай часткі сумы не ставала.

Даведаўшыся пра праблему, у «Карытас-Міласэрнасць» наважылі дапамагчы беднай маці, якая, дарэчы, з'яўляецца праваслаўнай, і аплацілі правядзенне вады ў хату. Найбліжэйшыя дні працы павінна пачацца.