Грузія падала супраць Расеі пазоў у Страсбуржскі суд

Пазоў звязаны з палітыкай на акупаваных пасля вайны 2008 году землях.

У аўторак, 21 жніўня, Мінюст Грузіі падаў у Еўрапейскі суд правоў чалавека міждзяржаўны пазоў супраць Расейскай Федэрацыі, у сувязі з забойствам у Паўднёвай Асеціі Арчыла Татунашвілі і іншых парушэнняў правоў чалавека.

Пра гэта са спасылкай на ведамства піша Грузія Online.

"Пазоў тычыцца адміністрацыйнай практыкі масавага ўціску, затрыманняў, нападаў і забойстваў насельніцтва Грузіі, якое пражывае на акупаваных тэрыторыях і за так званай лініяй акупацыі, што асабліва ўзмацнілася пасля вайны 2008 года і дасягнула крытычнай рысы ў лютым гэтага года падчас катаванняў і забойствы Арчыла Татунашвілі", - гаворыцца ў паведамленні.

У Мінюсце адзначылі, што Расея, а таксама падкантрольныя ёй акупацыйныя ўлады ўсяляк спрабуюць схаваць свае злачынства і заблытаць следства, ствараючы альтэрнатыўныя версіі і падрабляючы справаздачы аб медыцынскай экспэртызе цела Татунашвілі.

У сувязі з гэтым Грузія намагае, каб Страсбуржскі трыбунал усталяваў адказнасць РФ за парушэнне цэлага шэрагу артыкулаў Еўрапейскай канвенцыі.

"У гэтых парушэнняў ёсць дыскрымінацыйны матыў, які служыць мэце яшчэ большага прыгнёту і запалохвання этнічных грузінаў, каб перашкодзіць вяртанню насельніцтва Грузіі ў Абхазію і Цхінвальскі рэгіён", - падкрэслілі ва ўстанове.

Адзначым, што грамадзянін Грузіі Арчыл Татунашвілі быў выкрадзены акупацыйнымі ўладамі Паўднёвай Асеціі, калі прыехаў у роднае сяло да сваякоў. Яго абвінавацілі ў "дыверсійнай дзейнасці", пасля чаго ён нібыта ўпаў са сходаў падчас канваявання і загінуў.

Цела Татунашвілі акупанты перадаць Грузіі адмовіліся.