Як аб'ехаць участак МКАД, дзе асеў мост

З заўтрашняга дня рух праз з'езды і пад аварыйным мостам будуць закрытыя.

У ДАІ Менска распавялі пра схему аб'езду аварыйнага моста на МКАД, паведамляе БелТА.

З панядзелка, 6 жніўня, Дзяржаўтаінспекцыя мяняе схему праезду на развязцы Ігуменскага тракту, вуліцы Бабушкіна і МКАД. Рух праз з'езды і пад аварыйным мостам будзе закрыты. Перакрыюць рух і пад пуцеправодам у абодвух напрамках.

Праехаць можна будзе па вуліцах Янкі Лучыны і Чыжэўскіх. Па знешнім коле рух будзе ажыццяўляцца без абмежаванняў.

У ДАІ просяць улічваць гэтую інфармацыю і загадзя планаваць маршрут, калі ён пралягае праз гэтыя вуліцы.