Аўтобусы ў раёне праселага моста на МКАД прыходзяць са спазненнем на 45 хвілін
2- 6.08.2018, 18:26
- 12,325
Мост асеў на развязцы ў Лошыцы 1 жніўня.
Графік руху на некаторых маршрутах у Менску парушаны праз вялікую колькасці транспарту на скрыжаванні Ігуменскага тракта і МКАД у раёне праселага пуцеправода, паведамілі БелТА на ДП «Мінсктранс».
Такая сітуацыя адзначаецца з 13.00, аўтобусы №7а, 48, 67, 88с, 134с, 175э прыходзяць са спазненнем на 45 хвілін. Заторы назіраліся і ранкам - з 8.00 да 11.00.
Падрыхтаваная часовая схема руху на перыяд закрыцця развязкі. Для скарачэння часу паездкі пасажырам рэкамендуюць пешшу перамяшчацца пад пуцеправодам МКАД паміж прыпынкамі «Ігуменскі тракт» і «пав. на Калядзічы».
Як паведамлялася, 1 жніўня ў раёне перасячэння Ігуменскага тракту з колавай адбыўся правал праезнай часткі дарогі (прасяданне асфальтавага пакрыцця) у трэцяй паласе руху ўнутранага кола. Рамонт праселага ўчастка плануецца завяршыць да 1 кастрычніка.