МВФ пакінуў Лукашэнку без крэдытаў

Праграма супрацоўніцтва фонду з беларускай уладай спыненая.

Беларускі ўрад быў вымушаны адмовіцца ад крэдытнай праграмы Міжнароднага валютнага фонду (МВФ). Пра гэта ў нядзелю, 9 верасня, заявіў міністр фінансаў Беларусі Максім Ермаловіч, паведамляе interfax.by.

Паводле словаў міністра, беларускія ўлады і МВФ «разышліся ў тэрмінах рэалізацыі праграмы рэформаў».

У сярэднетэрміновай перспектыве Беларусь плануе размясціць на лакальных рынках Расеі і Кітая суверэнныя аблігацыі на суму да 2 млрд даляраў, заявіў Ермаловіч.

Беларускі міністр таксама паведаміў, што у 2019 годзе Менск не мае намеру размяшчаць еўрааблігацыі.