«Транснафта» назвала аб'ём паставак паліва ў Беларусь у 2019 годзе

Улады РФ неаднаразова выстаўлялі прэтэнзіі беларускаму боку ў рээкспарце бязмытна пастаўленай нафты.

У 2019 годзе пастаўкі нафты з Расею ў Беларусь плануецца захаваць на ўзроўні 2018 года - 18 млн т, заявіў віцэ-прэзідэнт «Транснафты» Сяргей Андронаў. Пра гэта паведамляе РІА «РИА Новости».

Усяго ў Беларусь паводле дамовы з Расеяй штогод пастаўляецца 24 млн т нафты на год, з якіх 18 млн т выкарыстоўваюцца Менскам для ўнутранага спажывання і перапрацоўкі, а астатнія 6 млн т Менск можа «перамытнёўваць» і накіроўваць падаткі з гэтага аб'ёму ў нацыянальны бюджэт.

3 верасня кіраўнік Мінэнэрга Аляксандр Новак назваў бязмытныя пастаўкі нафтапрадуктаў у Беларусь эканамічна немэтазгоднымі. У Менску адказалі, што Новак такім чынам хоча парушыць перамоўны працэс паміж Масквой і Менскам у пытанні энэрганосьбітаў.

Расейскія ўлады неаднаразова выстаўлялі прэтэнзіі беларускаму боку ў рээкспарце бязмытных паставак нафты. Перамовы на ўзроўні віцэ-прэм'ераў Расеі і Беларусі Дзмітрыя Козака і Ігара Ляшэнкі ідуць са жніўня. Як паведамляе «Інтэрфакс», на 13 верасня намечаны іх чарговы раунд.