Эксклюзіўныя падрабязнасці пра смерць Машэрава: забойства або няшчасны выпадак?

Абставіны гэтай гучнай аўтакатастрофы выклікаюць шмат пытанняў.

Пятро Машэраў загінуў у аўтакатастрофе 4 кастрычніка 1980 года. Што гэта было: трагічная выпадковасць або спланаванае забойства?

Дагэтуль у інтэрнэце з'яўляецца шмат версій аб гібелі былога кіраўніка Беларусі. Сям'я Пятра Машэрава ўпэўненая, што яго забілі. Вось толькі ніхто не можа растлумачыць, хто гэта мог зрабіць, і каму было неабходна «прыбраць» Машэрава, піша «Белсат».

Абставіны гэтай гучнай аўтакатастрофы выклікаюць шмат пытанняў. Чаму кіроўца грузавіка выехаў на паласу сустрэчнага руху, дзе ехаў картэж? Дзе быў першы аўтамабіль суправаджэння, які павінен быў прыняць удар на сябе? А можа, кіроўца Машэрава мог пазбегнуць аварыі, калі б не ягоны фізічны стан? Чаму першапачатковага абвінавачанага перакваліфікавалі ў сведку?

Упершыню на беларускай тэлевізіі ў адной студыі сабраліся ўдзельнікі той аварыі: кіроўца таго самага грузавіка і кіраўнік картэжу Машэрава. У ток-шоў «Кожны з нас» яны распавялі, што ўсё ж адбылося 4 кастрычніка 1980 года.